2023 год стаў удалым для беларускіх шашак - на чэмпіянатах і пяршынствах свету і Еўропы заваявана 29 медалёў, 10 з якіх залатыя!
Віншуем усіх датычных і жадаем новых поспехаў у надыходзячым годзе!
Падрабязныя вынікі 2023 года далей.

У першую чаргу адзначым выдатнае выступленне нашай зборнай на чэмпіянаце Еўропы па шашках-64 сярод мужчын і жанчын – 10 медалёў (4-3-3) з 18! Прычым яны на рахунку адразу сямі спартсменаў.

Міжнародны гросмайстар Вікторыя Нікалаева стала пераможцай Кубка свету па шашках-64 2022-2023 гадоў сярод жанчын!

Таксама нашым спартсменам у 2023 годзе прысвоены новыя міжнародныя званні па шашках-64:
WIM (жаночы міжнародны майстар) – Дар’я Нікіфарава
WFM (жаночы майстар ІДФ) – Яўгенія Швед

Медальная статыстыка беларускіх шашыстаў за 15 гадоў (2009-2023) – па спасылцы.