БФШ

30 год Міністэрству спорту і турызму Рэспублікі Беларусь

Mon, 10 Nov 2025 12:50:00 +0100

Беларуская федэрацыя шашак віншуе калектыў Міністэрства спорту і турызму Рэспублікі Беларусь з 30-годдзем з дня ўтварэння! За гэтыя гады Міністэрствам шмат зроблена для развіцця шашак, а таксама праведзена вялікая праца па падтрымцы спартсменаў і трэнераў нашай краіны. Зычым невычэрпнай энергіі, моцнага здароўя, новых перамог, натхнення для рэалізацыі ўсіх планаў і праектаў!

Прэзідэнцкаму спартыўнаму клубу - 20 гадоў!

Mon, 07 Jul 2025 10:10:00 +0100

Беларуская федэрацыя шашак сардэчна віншуе ўвесь калектыў РДГА «Прэзідэнцкі спартыўны клуб» з 20-гадовым юбілеем!

Дзякуем Прэзідэнцкаму спартыўнаму клубу за шматгадовую падтрымку, якая многім беларускім шашыстам дапамагла дасягнуць найвышэйшых спартыўных вынікаў!

Зычым невычэрпнай энергіі, моцнага здароўя, рэалізацыі ўсіх планаў і праектаў!

Юбілей Мікалая Невара

Thu, 29 May 2025 06:00:00 +0100

Віншуем з 50-годдзем Мікалая Фёдаравіча Невара — старшыню Віцебскага абласнога аддзялення Беларускай федэрацыі шашак, двухразовага чэмпіёна Беларусі ў гульні па перапісцы, суддзю нацыянальнай катэгорыі, трэнера, арганізатара турніраў, аўтара кніг па шашках! Зычым здароўя, дабрабыту і новых творчых поспехаў!

Віншуем з юбілеем!

Sat, 12 Apr 2025 04:40:18 +0100

Віншуем з юбілеем Людмілу Іванаўну Сахненка-Мейлер — чэмпіёнку свету (1979), СССР (1979) і Беларусі (1975, 1976, 1977) па стаклетачных шашках, чэмпіёнку СССР (1974) і Беларусі (1972, 1973, 1974) па рускіх шашках! Зычым моцнага здароўя, шчасця і дабрабыту!