З 21 па 30 студзеня ў Рэспубліканскім цэнтры алімпійскай падрыхтоўкі па шахматах і шашках (г.Мінск, вул.Маркса, 10) праходзілі чэмпіянаты Беларусі па шашках-64 сярод мужчын і жанчын. Перамаглі міжнародныя гросмайстры Вера Хвашчынская і Ігар Міхальчанка. Вынікі: жанчыны, мужчыны. Партыі: жанчыны, мужчыны. Рэгламент і расклад тураў, фотагалерэя.

З 23 па 29 снежня ў Рэспубліканскім цэнтры алімпійскай падрыхтоўкі (г.Мінск, вул.Маркса, 10) праходзіла першая ліга чэмпіянату Беларусі па шашках-64 (мужчыны, жанчыны). У вышэйшую лігу наступнага года, якая адбудзецца ўжо ў студзені, выйшлі па чатыры лепшых жанчыны і мужчыны. Рэгламент. Вынікі: жанчыны, мужчыны.

2021 год стаў паспяховым для беларускіх шашак - на чэмпіянатах і першынствах свету і Еўропы заваёвана 104 медалі, 42 з якіх залатыя! Віншуем усіх датычных і жадаем новых поспехаў у 2022 годзе! Падрабязныя вынікі 2021 года далей.

Выканкам Нацыянальнага алімпійскага камітэта Рэспублікі Беларусь пастанавіў часова прызнаць грамадскую арганізацыю "Беларуская федэрацыя шашак" у якасці адзінага спартыўнага аб'яднання на тэрыторыі краіны, якое займаецца развіццём шашак і ўпаўнаважана прадстаўляць наш від спорту ў адпаведным міжнародным спартыўным аб'яднанні, на перыяд да 31.12.2022. Пасведчанне НАК. Certificate NOC.

З 18 па 21 снежня ў Рэспубліканскім цэнтры алімпійскай падрыхтоўкі (г.Мінск, вул.Маркса, 10) праходзіў Кубак Беларусі. 18-19 снежня адбыўся Кубак па шашках-64. Перамагла каманда Гродзенскай вобласці (Марат Леў, Сяргей Садоўскі, Ілля Астаф'еў, Эма Саўрас). Вынікі, сюжэт тэлекампаніі СТВ, рэгламент Кубка па шашках-64. 20-21 снежня прайшоў Кубак па шашках-100. Лепшай стала каманда Гомельскай вобласці (Рыгор Кулагін, Дзмітрый Шымакоў, Ганна Барашка). Вынікі, рэгламент Кубка па шашках-100.

18-19 снежня ў п.Юлінек (Польшча) праходзіў чэмпіянат свету па шашках-100 (рапід, бліц). Бронзавым прызёрам у бліскавічнай праграме стала Марыя Часнакова! Віншуем! Выніковыя табліцы -http://results.fmjd.org/viewpage.php?page_id=1

Як паведамляе сайт Прэзідэнцкага спартыўнага клуба цэнтральны савет рэспубліканскага дзяржаўна-грамадскага аб'яднання "Прэзідэнцкі спартыўны клуб" зацвердзіў спіс 333 стыпендыятаў на 2022 год, у ліку якіх і шэсць шашыстаў.

З 28 лістапада па 5 снежня ў г.Шклярска Парэмба (Польшча) праходзіў моладзевы чэмпіянат свету па шашках-100. 4 снежня закончылася класічная праграма. У скарбонцы нашай зборнай два медалі - золата Марыі Часнаковай (юніёркі) і серабро Дар'і Нікіфаравай (кадэткі)! 5 лістапада адбылася бліскавічная праграма. Чэмпіёнам свету стаў Георгій Выдзерка (кадэты), Яўген Жукоўскі (кадэты) - сярэбраны прызёр, Марыя Часнакова, Дар'я Нікіфарава і Яўгенія Швед (міні-кадэткі) - бронзавыя. Віншуем спартсменаў і іх трэнераў! Сайт чэмпіянату, склад зборнай Беларусі.

З 15 па 21 лістапада ў Картрэйку (Бельгія) праходзіў чэмпіянат Еўропы па шашках-100 сярод моладзі да 27 гадоў. Бліскуча згулялі беларусы ў класічнай праграме. Яна Якубовіч і Дзмітрый Немец сталі чэмпіёнамі, Паліна Петрусёва заваявала сярэбраны медаль! У бліскавічнай праграме золата на рахунку Яны Якубовіч, Дзмітрый Немец на трэцім месцы! У апошні дзень адбыліся спаборніцтвы па хуткай гульні. Сваё трэцяе золата заваявала Яна Якубовіч і стала абсалютнай чэмпіёнкай Еўропы! Бронза на рахунку Паліны Петрусёвай. Віншуем спартсменаў і іх трэнераў! Сайт чэмпіянату -https://eku27.be

З 10 па 11 кастрычніка ў К'янчана-Тэрме (Італія) адбыўся чэмпіянат Еўропы па шашках-100 (рапід, бліц). Вынікі (рапід): жанчыны, мужчыны. Вольга Федаровіч - бронзавы прызёр! Віншуем! Вынікі (бліц): жанчыны, мужчыны. Склад зборнай Беларусі далей.