Артыкул да 105-годдзя з дня нараджэння аднаго з першых савецкіх гросмайстраў, чэмпіёна СССР па рускіх шашках 1961 года Веніяміна Барысавіча Гарадзецкага, які нарадзіўся і пачаў займацца шашкамі ў Бабруйску і да пачатку Вялікай Айчыннай вайны жыў у Беларусі.
Віншуем з 75-годдзем Генадзя Дзмітрыевіча Барысава — майстра спорту, прызёра чэмпіянату Беларусі сярод мужчын і чэмпіянату Еўропы сярод ветэранаў, а таксама вядомага трэнера, які падрыхтаваў шмат моцных віцебскіх шашыстаў! Зычым моцнага здароўя, дабрабыту і новых поспехаў у трэнерскай справе! 89 гадоў таму, 6 сакавіка 1935 года, у Мінску быў усталяваны сусветны рэкорд адначасовай гульні ў рускія шашкі. Чэмпіён СССР Ігар Цімкоўскі правёў сеанс на 125 (!) дошках. Падрабязней пра гэта па спасылцы.
4 сакавіка спаўняецца 85 гадоў з дня нараджэння Марка Сямёнавіча Гелера (04.03.1939 — 05.12.1991) — шматразовага чэмпіёна Беларусі, пераможцы каманднага юнацкага першынства Савецкага Саюза па рускіх шашках у складзе зборнай БССР (1956), пераможцы першынства СССР сярод юнакоў па стаклетачных шашках (1957), майстра спорту СССР (1958), прызёра міжнароднага турніру ў Ялце (1961). Пра Марка Гелера ўспамінае Міхаіл Кац. Фотагалерэя (архівы дачкі М.Гелера В.Галябовіч, В.Палянскага, Б.Плоткіна, Беларускай федэрацыі шашак, НАРБ). Сёння дзень памяці першага беларускага шашачнага майстра Барыса Круталевіча. 21 лютага 1928 года ён памёр ад сухотаў зусім маладым, у 27 гадоў. З гэтай нагоды Віталь Аніська падрыхтаваў два артыкулы. Першы прысвечаны творчай спадчыне маэстра: вынікі выступлення ў турнірах, усе вядомыя партыі і творы. У другім распавядаецца пра біяграфію Барыса Прохаравіча.
Сёння споўнілася 50 гадоў з пачатку трэнерскай дзейнасці заслужанага трэнера СССР Міхаіла Каца. З гэтай нагоды прапаноўваем вашай увазе вялікае інтэрв?ю з Міхаілам Аляксандравічам, а таксама расказы яго вучняў.
Артыкул да 120-годдзя з дня нараджэння ўраджэнца Гомеля Барыса Міроціна — першага заслужанага трэнера СССР па шашках. Сёлета спаўняецца 85 гадоў з дня нараджэння Леаніда Аляксандравіча Сямёнава (1938 — 1976) — чэмпіёна Беларусі па стаклетачных шашках (1955), пераможцы каманднага юнацкага першынства Савецкага Саюза ў складзе зборнай БССР (1956), майстра спорту СССР (1962), неаднаразовага прызёра чэмпіянатаў рэспублікі па рускіх і стаклетачных шашках. Трагічна загінуў у маі 1976 года пры не да канца высветленых абставінах. Фотагалерэя (БДАКФФД, НАРБ, архіў Беларускай федэрацыі шашак). Артыкул да 115-годдзя з дня нараджэння першага старшыні Беларускай федэрацыі шашак, трохразовага чэмпіёна Беларусі Дзяніса Гардзевіча.
15 лістапада спаўняецца 85 гадоў з дня нараджэння Аляксандра Андрэевіча Шабаліна (15.11.1938 — 24.12.2013) — шматгадовага старшыні Беларускай федэрацыі шашак, міжнароднага арбітра, шашачнага кампазітара, а таксама заслужанага дзеяча культуры Рэспублікі Беларусь (2000), пісьменніка, журналіста, сцэнарыста. Фотагалерэя (архівы А.Шабаліной, Ан.Шабаліна, А.Прэсмана, С.Гарбачова, Беларускай федэрацыі шашак). |
