З 11 па 19 кастрычніка ў Кабулеці (Грузія) праходзіў чэмпіянат свету па шашках-64 сярод мужчын і жанчын. Старонка чэмпіянату. 12 кастрычніка адбылася хуткая праграма. Чэмпіёнамі свету сталі Ігар Міхальчанка і Вікторыя Нікалаева! Аляксей Куніца і Вера Хвашчынская - сярэбраныя прызёры! У бліскавічнай праграме, якая прайшла 13 кастрычніка, Ігар і Вікторыя паўтарылі свой поспех і зноў сталі першымі! Андрэй Валюк заняў другое месца, Вера Хвашчынская - трэцяе! З 14 па 19 кастрычніка праходзіла класічная праграма. Вікторыя Нікалаева выйграла сваё трэцяе золата і стала абсалютнай чэмпіёнкай свету! Андрэй Валюк стаў першым сярод мужчын! Ігар Міхальчанка - сярэбраны прызёр, Паліна Петрусёва - бронзавы! Віншуем! Сюжэт тэлекампаніі СТВ. Склад зборнай Беларусі далей.

З 4 па 11 кастрычніка ў Кабулеці адбыўся этап Кубка свету па шашках-64 - міжнародныя спаборніцтвы "Грузія-2022". Старонка спаборніцтваў. Вынікі беларускіх спартсменаў далей.

З 3 па 10 кастрычніка ў Кабулеці (Грузія) праходзіў моладзевы чэмпіянат Еўропы па шашках-64. Старонка чэмпіянату. У трох праграмах беларускія спартсмены заваявалі 40 медалёў, 19 з якіх залатыя! Віншуем спартсменаў і іх трэнераў! Склад беларускай каманды далей.

З 22 па 31 жніўня ў Кранева (Балгарыя) праходзіў моладзевы чэмпіянат свету па шашках-64. Старонка чэмпіянату. У хуткай праграме, якая адбылася 22 жніўня, чэмпіёнкай свету стала Марыя Часнакова! Паліна Петрусёва, Арцём Ціханаў, Дар'я Нікіфарава, Аляксей Паўлючэнка, Іван Невар - сярэбраныя прызёры, Аляксей Куніца і Марыя Атрошанка - бронзавыя! 23 жніўня адбыўся чэмпіянат свету па бліскавічнай гульні. Другое месца занялі Уладзіслаў Валюк, Сцяпан Дарашэнка, Вікторыя Нікалаева, Арцём Ціханаў, Іван Бародзіч, Аляксей Паўлючэнка і Іван Невар, трэцяе - Аляксей Куніца! 31 жніўня скончылася класічная праграма. Чэмпіёнамі свету сталі Уладзіслаў Валюк і Марыя Часнакова! Аляксей Куніца, Аляксей Паўлючэнка, Марыя Атрошанка - сярэбраныя прызёры, Паліна Петрусёва, Інга Барашка, Іван Невар - бронзавыя! Віншуем спартсменаў і іх трэнераў! Склад зборнай Беларусі далей.

З 25 па 30 жніўня ў Кранева (Балгарыя) адбыўся камандны чэмпіянат свету па шашках-64. У спаборніцтвах прымалі ўдзел жаночая (Вера Хвашчынская, Вікторыя Нікалаева) і мужчынская (Ігар Міхальчанка, Андрэй Валюк, Арцём Ціханаў) зборныя Беларусі. 26 жніўня адбылася бліскавічная праграма. Жаночая зборная Беларусі - чэмпіён свету, мужчынская - сярэбраны прызёр! У класічнай праграме нашыя каманды занялі тыя ж месцы. Такім чынам, жаночая зборная зрабіла залаты дубль, а мужчынская - сярэбраны! Віншуем! Старонка чэмпіянату.

З 22 па 29 жніўня ў Кранева праходзіў этап Кубка свету па шашках-64 - міжнародныя спаборніцтвы "Балгарыя-2022". Старонка спаборніцтваў. Вынікі беларускіх спартсменаў далей.

З 22 па 24 ліпеня на базе РТБ "Талька" (Пухавічскі раён) адбыўся ХXІV адкрыты раённы турнір па шашках-64 "Мар'іна Горка-2022". Перамог міжнародны майстар Віталь Новікаў. Табліца, палажэнне.

З 11 па 15 ліпеня ў в. Жыровічы (Слонімскі раён) праходзіў ХІІ міжнародны турнір па шашках-100, прысвечаны Дню вызвалення Слоніма. Перамог Георгій Выдзерка. Вынікі, фотагалерэя, палажэнне.

28 мая ў Клубе Шахматны дом адбыўся турнір па хуткіх шашках сярод хлопчыкаў і дзяўчынак 2012 г.н. і маладзей, не мацнейшых за 1 юнацкі разрад. Вынікі, палажэнне.

З 17 па 20 мая ў Пінску прайшла рэспубліканская Спартакіяда сярод дзяцей і юнацтва па месцы жыхарства. Перамагла каманда Магілёўскай вобласці. Табліца і фотагалерэя.