З 17 па 20 ліпеня ў аг. Жыровічы (Слонімскі раён) праходзіў ХІІІ рэспубліканскі турнір па шашках-100, прысвечаны Дню вызвалення Слоніма. Перамагла майстар спорту Вікторыя Нікалаева (Мінск). Вынікі, фотагалерэя, палажэнне.

З 26 чэрвеня па 2 ліпеня ў Рэспубліканскім цэнтры алімпійскай падрыхтоўкі па шахматах і шашках (г.Мінск, вул.Маркса, 10) праходзілі адкрытыя рэспубліканскія спаборніцтвы па шашках-100 "Мінск-2023". Вынікі, палажэнне аб правядзенні, Rules & Regulations. Фотагалерэя, сюжэты тэлекампаніі СТВ: 1, 2.

10 чэрвеня ў Рэспубліканскім цэнтры алімпійскай падрыхтоўкі па шахматах і шашках (г.Мінск, вул.Маркса, 10) адбыўся турнір па шашках-64, прысвечаны 100-годдзю з дня нараджэння Ізраіля Самойлавіча Бельскага. Вынікі, фотагалерэя, палажэнне.

З 5 па 13 чэрвеня ў г.Уфа (Расія) праходзіў міжнародны турнір па шашках-100 краін Шанхайскай арганізацыі супрацоўніцтва. Сайт турніру. Нашу краіну прадстаўлялі Дар'я Федаровіч, Андрэй Валюк і Вікторыя Белая.

Міжнародны гросмайстар, 4-разовы чэмпіён свету Анатоль Гантварг стаў пераможцам турніру па шашках-100 у іспанскім Салоу. Славуты беларускі спартсмен набраў 14 ачкоў з 18 магчымых і апярэдзіў экс-чэмпіёна свету Аляксандра Шварцмана (Ізраіль) і Хейна Мейера (Нідэрланды). Міжнародны турнір у Салоу прайшоў 24-ы раз. У ім прынялі ўдзел 89 спартсменаў з 16 краін. Для Анатоля Гантварга, які восенню адзначыць 75-гадовы юбілей, гэтая перамога ў Іспаніі стала пятай. Раней ён выйграваў у 1998, 2000, 2001 і 2019 гадах. Выніковая табліца.

З 28 красавіка па 7 мая ў Аланіі (Турцыя) праходзіў чэмпіянат Еўропы па шашках-64 сярод мужчын і жанчын. Старонка чэмпіянату. У бліскавічнай праграме, якая адбылася 29 красавіка, Ігар Міхальчанка заваяваў золата, Арцём Ціханаў - бронзу! Лепшай сярод жанчын стала Вікторыя Нікалаева, яна чацвёртая. 30 красавіка прайшла хуткая праграма. Чэмпіёнамі Еўропы сталі Ігар Міхальчанка і Вера Хвашчынская! Андрэй Валюк і Дар'я Нікіфарава - сярэбраныя прызёры! У класічнай праграме ў скарбонцы нашай зборнай чатыры медалі - золата заваявала Вікторыя Нікалаева, Андрэй Валюк заняў другое месца, Ігар Міхальчанка і Паліна Петрусёва - трэція! Віншуем спартсменаў і іх трэнераў з бліскучым выступленнем! Склад зборнай Беларусі далей.

З 23 красавіка па 2 мая ў Аланіі (Турцыя) праходзіў моладзевы чэмпіянат Еўропы па шашках-64. Старонка чэмпіянату. У скарбонцы нашай каманды адзін медаль - у бліскавічнай праграме бронзавым прызёрам стала Аляксандра Сіняк (Д17). Віншуем! Склад беларускай каманды далей.

З 6 па 16 красавіка ў Рэспубліканскім цэнтры алімпійскай падрыхтоўкі па шахматах і шашках (Мінск, вул.Маркса, 10) праходзілі чэмпіянаты Беларусі па шашках-100. Перамаглі Вікторыя Нікалаева і Яўген Ватуцін! Рэгламент, фотагалерэя (аўтар Васіль Якушаў), сюжэты тэлекампаніі СТВ: 1, 2. Вынікі: жанчыны, мужчыны. Партыі: жанчыны, мужчыны.

З 7 па 9 красавіка ў Слоніме адбыліся традыцыйныя рэспубліканскія спаборніцтвы па шашках-64, прысвечаныя памяці братоў Мялешкаў і Мікалая Крата. Палажэнне, фотагалерэя. Вынікі: галоўны турнір, юнацкі турнір (2 і 3 разрады), юнацкі турнір (1 юн. і без разраду). Артыкул да 85-годдзя з дня нараджэння першага майстра спорту Гродзенскай вобласці па шашках Івана Мялешкі.

З 1 па 8 красавіка ў Ташкенце адбыўся этап Кубка свету па шашках-64 - міжнародныя спаборніцтвы "Узбекістан-2023", у якіх прымаў удзел дзейсны чэмпіён свету Андрэй Валюк. Старонка турніру. У бліскавічнай праграме прынялі ўдзел 100 спартсменаў з 8 краін. Андрэй Валюк стаў сярэбраным прызёрам! У хуткай і класічнай праграмах Андрэй заняў пятае месца.