З 27 кастрычніка па 3 лістапада ў Ізміры (Турцыя) праходзіў моладзевы чэмпіянат свету па шашках-100. У класічнай праграме сярэбранымі прызёрамі сталі Яна Якубовіч і Вікторыя Нікалаева, бронзавымі - Марыя Часнакова і Дар'я Нікіфарава! У бліскавічнай праграме чэмпіёнкай свету стала Яна Якубовіч, Георгій Выдзерка на другім месцы, Вікторыя Нікалаева на трэцім! Віншуем спартсменаў і іх трэнераў! Упершыню на моладзевым чэмпіянаце свету быў падведзены камандны залік. Па выніках класічнай праграмы зборная Беларусі стала трэцяй, бліскавічнай - другой. Афіцыйны сайт чэмпіянату. Склад зборнай Беларусі далей.

Рады паведаміць, што Беларуская федэрацыя шашак атрымала пасведчанне аб часовым прызнанні Нацыянальным алімпійскім камітэтам Рэспублікі Беларусь.
Скан пасведчання далей.

20 кастрычніка ў Бэйлене (Нідэрланды) прайшоў чэмпіянат свету па шашках-100 па хуткай гульні. У камандным заліку, дзе ўлічваліся вынікі трох лепшых гульцоў індывідуальнага турніру, жаночая зборная Беларусі (Вольга Федаровіч, Яна Якубовіч, Вікторыя Нікалаева) стала сярэбраным прызёрам, мужчынская зборная нашай краіны (Яўген Ватуцін, Аляксандр Булатаў, Уладзіслаў Сплендзер) - бронзавым! Віншуем! Перамаглі каманды Расіі і Нідэрландаў адпаведна. Афіцыйная старонка чэмпіянату.

З 22 жніўня па 1 верасня ў Кранева (Балгарыя) праходзіў моладзевы чэмпіянат свету па шашках-64. У бліскавічнай праграме, якая адбылася 23 жніўня, чэмпіёнамі свету сталі Ўладзіслаў Валюк, Міхаіл Семянюк і Яна Якубовіч! Аляксей Куніца, Аляксандра Спірына, Паліна Петрусёва, Вікторыя Нікалаева, Марат Леў, Дар'я Нікіфарава, Інга Барашка і Аляксей Паўлючэнка - сярэбраныя прызёры, Марыя Міронава, Аляксей Валюк і Аляксандра Сіняк - бронзавыя! 24 жніўня адбыўся чэмпіянат свету па хуткай гульні. Пераможцамі сталі Аляксандра Спірына, Міхаіл Семянюк, Паліна Петрусёва, Вікторыя Нікалаева і Марат Леў! На другім месцы Дар'я Нікіфарава, Іван Бародзіч і Аляксей Паўлючэнка, на трэцім Віталь Новікаў, Аляксей Валюк і Яна Якубовіч! 25 жніўня праходзіў першы камандны чэмпіянат свету па бліскавічнай гульні (у складзе каманды спартсмены да 17, 14 і 11 год). Зборныя Беларусі - юнакі (Арцём Ціханаў, Марат Леў, Іван Бародзіч), дзяўчаты (Вікторыя Нікалаева, Дар'я Нікіфарава, Інга Барашка) - зрабілі залаты дубль! 31 жніўня скончылася класічная праграма. Чэмпіёнамі свету сталі Аляксандра Спірына, Дзмітрый Немец, Марат Леў і Дар'я Нікіфарава! Віталь Новікаў, Аляксей Валюк, Аляксандра Сіняк, Аляксей Паўлючэнка - сярэбраныя прызёры, Вікторыя Нікалаева і Інга Барашка - бронзавыя! Зборная Беларусі трэці год запар стала лепшай у камандным заліку па выніках класічнай праграмы! Віншуем спартсменаў і іх трэнераў! Афіцыйная старонка чэмпіянату. Склад зборнай Беларусі далей.

З 25 жніўня па 1 верасня ў Кранева (Балгарыя) праходзіў камандны чэмпіянат свету па шашках-64. Жаночая зборная Беларусі (Вера Хвашчынская, Яна Якубовіч, Дар'я Федаровіч) перамагла ў класічнай і бліскавічнай праграмах, мужчынская каманда (Ігар Міхальчанка, Андрэй Валюк, Міхаіл Семянюк, Арцём Ціханаў) двойчы стала сярэбраным прызёрам! Віншуем! Афіцыйная старонка чэмпіянату.

З 1 па 9 жніўня ў Варшаве (Польшча) праходзіў XXI моладзевы чэмпіянат Еўропы па шашках-100. 1-7 жніўня адбылася класічная праграма. Вера Хвашчынская і Яна Якубовіч - чэмпіёнкі Еўропы! Сярэбранымі прызёрамі сталі Анастасія Барышава і Міхаіл Семянюк, бронзавымі - Аляксей Куніца, Яўген Жукоўскі і Дар'я Нікіфарава. Бліскуча выступілі нашы спартсмены ў хуткай праграме. Чэмпіёнамі сталі Ўладзіслаў Валюк, Міхаіл Семянюк, Яна Якубовіч, Вікторыя Нікалаева і Ксенія Белая! Алег Чэпа, Паліна Петрусёва і Дар'я Нікіфарава на другім месцы, Анастасія Барышава на трэцім. У апошні дзень адбылася бліскавічная праграма. Уладзіслаў Валюк, Міхаіл Семянюк і Яна Якубовіч сталі чэмпіёнамі Еўропы! Вікторыя Нікалаева і Дар'я Нікіфарава - сярэбраныя прызёры, Георгій Выдзерка - бронзавы! Віншуем спартсменаў і іх трэнераў! Склад зборнай Беларусі. Афіцыйная старонка чэмпіянату.

29 ліпеня ў Рызе (Латвія) адбыўся чэмпіянат свету па шашках-100 па бліскавічнай гульні. У камандным заліку, дзе ўлічваліся вынікі трох лепшых гульцоў індывідуальнага турніру, жаночая зборная Беларусі (Вольга Федаровіч, Вікторыя Белая, Яна Якубовіч) стала сярэбраным прызёрам, мужчынская зборная нашай краіны (Яўген Ватуцін, Уладзіслаў Валюк, Аляксей Куніца) - бронзавым! Віншуем! Перамаглі каманды Расіі і Нідэрландаў адпаведна. Афіцыйная старонка чэмпіянату.

З 22 па 28 ліпеня ў Рызе (Латвія) праходзіў этап Кубка свету па шашках-100 з прызавым фондам 10 000 еўра. Вольга Федаровіч стала бронзавай прызёркай жаночага турніра! Віншуем! У дзясятку таксама трапіла Яна Якубовіч - яна на восьмым месцы. Перамагла Арлета Флісікоўска з Польшчы. У турніры сярод мужчын лепшым стаў Аляксандр Георгіеў (Расія). Міхаіл Семянюк на шостым месцы, Яўген Ватуцін на пятнаццатым. Там жа з 25 па 28 ліпеня адбыўся міжнародны юнацкі турнір па шашках-100. Дар'я Нікіфарава заняла першае месца ў заліку сярод дзяўчат да 14 год. Афіцыйны сайт спаборніцтваў.

З 15 па 19 ліпеня ў в. Жыровічы (Слонімскі раён) праходзіў Х міжнародны турнір па шашках-100, прысвечаны Дню вызвалення Слоніма. Перамагла мінчанка Вікторыя Нікалаева. Выніковая табліца (Final standings). Фота, палажэнне.

З 11 па 23 чэрвеня ў Якутску (Расія) праходзіў чэмпіянат свету па шашках-100 сярод жанчын. Дар'я Федаровіч стала бронзавым прызёрам! Віншуем! Вольга Федаровіч на шостым месце, Паліна Петрусёва на дзясятым. Перамагла Тамара Тансыккужына (Расія). Афіцыйная старонка чэмпіянату.