Ш А Ш К І (газ. “Звязда” за 27 мая 2008г.)

Пад рэдакцыяй майстра спорту Мікалая Грушэўскага

Развяжы, калі дужы

Вашу сілу гульні ў шашкі дапаможа праверыць камбінацыйная праблема Міхаіла Стэфановіча (Гродна):

БЕЛЫЯ: a1, c3, c5, d2, d4, e3, e5, g1, h2 (9). ЧОРНЫЯ: a3, a5, a7, b8, f2, f6, g5, g7

(8). Выйгрыш.

Адначасова прапануем яе ў якасці задання № 1 бліцконкурсу-38. Усяго ў ім будзе 6 заданняў. Пераможцаў чакаюць сюрпрызы ад нашага бескарыслівага чытача Анатоля ПЯРХАЛЬСКАГА (Глыбокае) – яго зборнікі звяздоўскай шашачнай рубрыкі за 2005 і 2006 гады. Тэрмін для адказаў традыцыйны – два тыдні. Накіроўвайце іх на адрас рэдакцыі газеты “Звязда”: 220013, г. Мінск, вул. Б. Хмяльніцкага, 10-а. Рубрыка “Шашкі”. Па-за конкурсам рагледзьце яшчэ некалькі задумак М. Стэфановіча:

№ 1. БЕЛЫЯ: b6, c7, d6, g1, g3, h4 (6). ЧОРНЫЯ: a7, b4, d2, d4, f6, g5 (6).

1. cd8 2. gf4 3. hg5 4. d:e1 ba3 5. ef2 ed2 6. fg3x.

№ 2. БЕЛЫЯ: c7, d6, e5, e7, f2, f4, f6 (7). ЧОРНЫЯ: b2, b4, b8, c5, h2, h4 (6).

1. fg3 2. ef8 3. f:h6 4. h:g1#.

№ 3. БЕЛЫЯ: a7, b2, e7, f6, g7, h6 (6). ЧОРНЫЯ: c5, c7, d4, e3, e5, f2, f8, h2 (8).

1. ab8 2. gf8 3. bc3 4. fe7 5. b:e7 6. h:g1#.

№ 4. БЕЛЫЯ: c5, c7, d6, e1, e5, h2, h6 (7). ЧОРНЫЯ: b2, b8, f2, f4, g3, g5, h4 (7).

1. ef6 2. d:f8 3. f:g5 4. h:f4 fg5 A 5. e:g3 6. gf4x. A 4 … fg1 5. ef2x.

№ 5. БЕЛЫЯ: a7, b6, d4, e3, e5, f2, g5 (7). ЧОРНЫЯ: b2, b4, c5, d8, f8, h2, h6 (7). Перавага белых. Пашукайце яе самастойна. Таксама будзем рады вашым рашэнням.

Дар’іны шчамлёткі

У Калінінградзе адбыўся маладзёжны чэмпіянат Еўропы па шашках-64. У агульнакамандным заліку зборная Беларусі заваявала “бронзу”. Сярод нашых прадстаўнікоў у сваіх узроставых катэгорыях вызначаліся: чэмпіёнкай кантынента стала Маша Міронава, а сярэбраныя ўзнагароды атрымалі Уладзіслаў Валюк, Вера Хвашчынская і Дар’я Федаровіч. Апошняя паспяхова выступае і ў дарослых турнірах, з’яўляецца чэмпіёнкай жаночага першынства рэспублікі па шашках-64. Яна спрабуе сябе і ў стоклетках. Паглядзіце, як мінская гімназістка ўзяла ў шчамлёткі двойчы віцэ-чэмпіёнку свету, міжнароднага гросмайстра Ірыну Пашкевіч, якой багаты вопыт гульні на вялікай дошцы ўсё ж такі дапамог выратавацца:

БЕЛЫЯ (Д. Федаровіч): 23, 24, 27, 28, 29, 31, 32, 34, 43 (9). ЧОРНЫЯ (І. Пашкевіч): 7, 8, 12, 13, 14, 15, 17, 18, 25 (9).

Гэта здарылася на чэмпіянаце краіны 2008 года сярод жанчын: 1 … 17-22! 2. 28:17 12:21 3. 23:3 14-19=.

Рашэнні

ПАДЗАРАДЗІМ МАЗГІ. Бліц-37: № 6 (П. Шклудаў, М. Грушэўскі). 1. cd8 2. d:b8 3. bf4! 4.da5 5. a5:d2:e7 6. h:g1#.

З СШЫТКАЎ ЧЫТАЧОЎ- ЗВЯЗДОЎЦАЎ: № 3 (Д. Камчыцкі). 1. dc3 2. ed2 3. gh8 4. h:f8 5. h:g3! 6. f:b4x.

АМАТАРАМ СТАКЛЕТАК (Л. Вітошкін): № 1. 11 (46) 2, 10, 24х; № 2. 9, 3, 48 (42) 25, 36х.