2019 год стаў паспяховым для беларускіх шашак - на чэмпіянатах і першынствах свету і Еўропы заваёвана 125 медалёў, 50 з якіх залатыя! Віншуем усіх датычных і жадаем новых поспехаў у 2020 годзе! Падрабязныя вынікі 2019 года далей.

25 снежня ў 11.30 Вольга Федаровіч - у эфіры радыё "Сталіца"! Слухайце таксама наhttps://radiostalica.by/

З 14 па 17 снежня ў Рэспубліканскім цэнтры алімпійскай падрыхтоўкі па шахматах і шашках (г.Мінск, вул.Маркса, 10) праходзіў Кубак Беларусі. 14-15 снежня адбыліся спаборніцтвы па шашках-64. Перамагла каманда БДУ (Уладзіслаў Валюк, Яна Якубовіч, Аляксей Валюк, Аляксандра Спірына). Выніковая табліца. 16-17 снежня прайшлі спаборніцтвы па шашках-100. Залаты дубль зрабіла каманда БДУ (Уладзіслаў Валюк, Юрый Цімановіч, Яна Якубовіч). Выніковая табліца. Рэгламент.

29-30 лістапада ў Нетаніі (Ізраіль) адбыўся чэмпіянат Еўропы па шашках-100 у хуткай і бліскавічнай праграмах. Вольга Федаровіч стала сярэбраным прызёрам у рапідзе. Віншуем! Афіцыйная старонка чэмпіянату.

З 18 па 24 лістапада ў РЦАП па шахматах і шашках (Мінск, вул. Маркса, 10) праходзіла першая ліга чэмпіянату Беларусі па шашках-64. Выніковыя табліцы: мужчыны, жанчыны. Па чатыры лепшых у кожным турніры адабраліся ў вышэйшую лігу 2020 года.

З 27 кастрычніка па 3 лістапада ў Ізміры (Турцыя) праходзіў моладзевы чэмпіянат свету па шашках-100. У класічнай праграме сярэбранымі прызёрамі сталі Яна Якубовіч і Вікторыя Нікалаева, бронзавымі - Марыя Часнакова і Дар'я Нікіфарава! У бліскавічнай праграме чэмпіёнкай свету стала Яна Якубовіч, Георгій Выдзерка на другім месцы, Вікторыя Нікалаева на трэцім! Віншуем спартсменаў і іх трэнераў! Упершыню на моладзевым чэмпіянаце свету быў падведзены камандны залік. Па выніках класічнай праграмы зборная Беларусі стала трэцяй, бліскавічнай - другой. Афіцыйны сайт чэмпіянату. Склад зборнай Беларусі далей.

Рады паведаміць, што Беларуская федэрацыя шашак атрымала пасведчанне аб часовым прызнанні Нацыянальным алімпійскім камітэтам Рэспублікі Беларусь.
Скан пасведчання далей.

20 кастрычніка ў Бэйлене (Нідэрланды) прайшоў чэмпіянат свету па шашках-100 па хуткай гульні. У камандным заліку, дзе ўлічваліся вынікі трох лепшых гульцоў індывідуальнага турніру, жаночая зборная Беларусі (Вольга Федаровіч, Яна Якубовіч, Вікторыя Нікалаева) стала сярэбраным прызёрам, мужчынская зборная нашай краіны (Яўген Ватуцін, Аляксандр Булатаў, Уладзіслаў Сплендзер) - бронзавым! Віншуем! Перамаглі каманды Расіі і Нідэрландаў адпаведна. Афіцыйная старонка чэмпіянату.

З 22 жніўня па 1 верасня ў Кранева (Балгарыя) праходзіў моладзевы чэмпіянат свету па шашках-64. У бліскавічнай праграме, якая адбылася 23 жніўня, чэмпіёнамі свету сталі Ўладзіслаў Валюк, Міхаіл Семянюк і Яна Якубовіч! Аляксей Куніца, Аляксандра Спірына, Паліна Петрусёва, Вікторыя Нікалаева, Марат Леў, Дар'я Нікіфарава, Інга Барашка і Аляксей Паўлючэнка - сярэбраныя прызёры, Марыя Міронава, Аляксей Валюк і Аляксандра Сіняк - бронзавыя! 24 жніўня адбыўся чэмпіянат свету па хуткай гульні. Пераможцамі сталі Аляксандра Спірына, Міхаіл Семянюк, Паліна Петрусёва, Вікторыя Нікалаева і Марат Леў! На другім месцы Дар'я Нікіфарава, Іван Бародзіч і Аляксей Паўлючэнка, на трэцім Віталь Новікаў, Аляксей Валюк і Яна Якубовіч! 25 жніўня праходзіў першы камандны чэмпіянат свету па бліскавічнай гульні (у складзе каманды спартсмены да 17, 14 і 11 год). Зборныя Беларусі - юнакі (Арцём Ціханаў, Марат Леў, Іван Бародзіч), дзяўчаты (Вікторыя Нікалаева, Дар'я Нікіфарава, Інга Барашка) - зрабілі залаты дубль! 31 жніўня скончылася класічная праграма. Чэмпіёнамі свету сталі Аляксандра Спірына, Дзмітрый Немец, Марат Леў і Дар'я Нікіфарава! Віталь Новікаў, Аляксей Валюк, Аляксандра Сіняк, Аляксей Паўлючэнка - сярэбраныя прызёры, Вікторыя Нікалаева і Інга Барашка - бронзавыя! Зборная Беларусі трэці год запар стала лепшай у камандным заліку па выніках класічнай праграмы! Віншуем спартсменаў і іх трэнераў! Афіцыйная старонка чэмпіянату. Склад зборнай Беларусі далей.

З 25 жніўня па 1 верасня ў Кранева (Балгарыя) праходзіў камандны чэмпіянат свету па шашках-64. Жаночая зборная Беларусі (Вера Хвашчынская, Яна Якубовіч, Дар'я Федаровіч) перамагла ў класічнай і бліскавічнай праграмах, мужчынская каманда (Ігар Міхальчанка, Андрэй Валюк, Міхаіл Семянюк, Арцём Ціханаў) двойчы стала сярэбраным прызёрам! Віншуем! Афіцыйная старонка чэмпіянату.