Выканкам Нацыянальнага алімпійскага камітэта Рэспублікі Беларусь пастанавіў часова прызнаць грамадскую арганізацыю "Беларуская федэрацыя шашак" у якасці адзінага спартыўнага аб'яднання на тэрыторыі краіны, якое займаецца развіццём шашак і ўпаўнаважана прадстаўляць наш від спорту ў адпаведным міжнародным спартыўным аб'яднанні, на перыяд да 31.12.2025. Пасведчанне НАК. Certificate NOC.

На сайце Прэзідэнцкага спартыўнага клуба апублікаваны спіс стыпендыятаў на 2025 год, у ліку якіх і чатыры шашысты: Марк Акуловіч, Павел Бокі, Арцём Ціханаў і Яўгенія Швед.

З 18 па 24 лістапада ў Рэспубліканскім цэнтры алімпійскай падрыхтоўкі (г.Мінск, вул.Маркса, 10) праходзіла першая ліга чэмпіянату Беларусі па шашках-64. Фотагалерэя, сюжэт тэлеканала СТВ, рэгламент. Вынікі: мужчыны, жанчыны.

У праграме ?Наше утро? на тэлеканале АНТ выйшаў сюжэт з трэніроўкі ў РЦАП па шахматах і шашках.

З 1 па 11 лістапада ў Аланіі (Турцыя) адбыўся маладзёжны чэмпіянат свету па шашках-64. 2 лістапада адбылася бліскавічная праграма. Чэмпіёнкай свету стала Яўгенія Швед! Серабро на рахунку Уладзіслава Валюка і Івана Невара, бронза ? Вікторыі Нікалаевай і Марка Акуловіча! У хуткай праграме, якая прайшла 3 лістапада, золата выйграла Вікторыя Нікалаева! Уладзіслаў Валюк і Павел Бокі сталі сярэбранымі прызёрамі, Арцём Ціханаў, Яўгенія Швед і Мілана Лапчук ? бронзавымі! У класічнай праграме чэмпіёнамі свету сталі Вікторыя Нікалаева, Яўгенія Швед і Павел Бокі, сярэбраныя медалі выйгралі Марыя Тараніна і Эя Кахно, бронзавыя ? Арцём Ціханаў і Іван Невар! Віншуем спартсменаў і іх трэнераў! Старонка чэмпіянату. Склад зборнай Рэспублікі Беларусь далей.

З 1 па 9 лістапада ў Аланіі праходзіў этап Кубка свету па шашках-64 ? міжнародныя спаборніцтвы "Турцыя-2024". Міжнародны гросмайстар Андрэй Валюк выйграў бліскавічную праграму па рускіх шашках! Міжнародны гросмайстар Арцём Ціханаў стаў другім у заліку юніёраў у бліцы па рускіх і па бразільскіх шашках. У хуткай праграме Арцём Ціханаў і міжнародны майстар Паліна Петрусёва сталі бронзавымі прызёрамі сярод мужчын і жанчын адпаведна! Віншуем! Старонка турніру.

Прызёры чэмпіянату свету па шашках-64 сярод жанчын Вікторыя Нікалаева і Марыя Тараніна ў эфіры радыёстанцыі "Сталіца".

З 24 па 31 кастрычніка ў Ташкенце (Узбекістан) праходзіў міжнародны турнір DASCO па шашках-100. Нашу краіну прадстаўлялі мгр Яўген Ватуцін, мм Аляксей Куніца і мс Мікіта Васько. Старонка турніру.

З 25 па 27 кастрычніка ў Слоніме адбыўся ХХІІІ рэспубліканскі юнацкі камандны турнір па шашках-64 "Юныя таленты", прысвечаны памяці Мікалая Якуты. Выніковая табліца. Палажэнне далей.

14 кастрычніка 60-гадовы юбілей адзначае міжнародны гросмайстар Аляксандр Прэсман ? пераможца Сусветнай шашачнай алімпіяды ў складзе зборнай Беларусі, чэмпіён Беларусі па стаклетачных шашках, пераможца і прызёр міжнародных турніраў, шашачны кампазітар, экс-прэзідэнт Беларускай федэрацыі шашак! Віншуем з юбілеем і зычым моцнага здароўя, дабрабыту і новых творчых дасягненняў! Інтэрв'ю Аляксандра Прэсмана праекту ?Шашки ? народная игра!?.